You might interested in

  • BEAUTY BLOGGER DZ 💄 ( @coco_beauty_hm_ ) Instagram Photo
  • @coco_beauty_hm_ سلام حبيباتي ⁦❤️⁩ إن شاء الله تكونو بخير ⁦❤️⁩
    اليوم حبيت نشارك معاكم نصائح ذهبية باش تقدري تعيشي في هاد الدنيا و تكوني فرحانة 🌹
    🌹النصيحة الاولى: جامي تعطي قيمة لإنسان مهما كان يعنيلك (اللي تحبيه،صديقة،واحدة تعرفيها،قريبة....) لانو كاين شي ناس كي تعطيهم أكثر من حجمهم يحسبوا رواحهم حاجة كبيرة و يبداو ميجوبوش عليك ميقيموكش يهربو منك وي يهربو منك يقولو هاديك السامطة جات لبغات نتي نيتك صافية تحبيهم تحبي تحكي معاهم ولا تسقسي عليهم راح توالي تبانيلهم بهلولة جايحة سامطة امالا القيمة غير نسيها مدي قيمة للي يستهلو و هما تاني مقيمينك و يسقسوا عليك و لكن متسمطيش كل ما زاد الأمر عن حده انقلب الا ضده متعطيش قيمة بزاف مهما كان 🌹النصيحة الثانية: متهدريش في روحك للناس يعني متنتقديش نفسك قدام اي واحد لبغات صديقتك المقربة ديري قيمة لروحك متقوليش أنا سمينة لازم ننقص نيفي كبير باي نسمن لحمة مفياش جامي حبيبتي هكا تنقصي من قيمتك و منبعد يعايروك بعاد الصوالح مهما بانولك هادو صوالح تاع والو جامي تنتقدي نفسك قدام الناس جامي
    🌹النصيحة الثالثة: جامي تحكي صوالحك للناس كاين صوالح يتحكاو و كاين صوالح جامي تحكيهم لأي واحد مهما كان مقرب ليك لانو منبعد تتعايري بيهم و لكل صديق مقرب صديق مقرب و هي رايحة حتى تلقي روحك في تبهديلة على باطل و مام يجي نهار تحبي تبدلي حياتك و تشوفي للقدام راح دايما يفكروك بواش كنتي ديري و الماضي الخ امالا أسرارك خليهم عندك حبيبتي 🌹النصيحة الرابعة : جامي ديري في مخلوق ثقة 100 بالمئة مهما كان هاد الإنسان
    🌹النصيحة الخامسة:العلاقات السامة و الاصدقاء السميين و اللي سلبيين غير بعدي عليهم سواء كانو حبيبك صديقتك اللي كان بعدي عليهم قاد متقدري كيما يسممولك حياتك توالي كارهة حياتك على العام ينقصوا من قيمتك متقدري ديري والو الدنيا شكيل لازم تنقصي لازم تسمني مراكيش غاية معندكش الزهر راني عيانة ولا عيان يحكولك غير على المشاكل و هما عايشين حياتهم ومام هما كئيبين تاع الصح ماشي شرط نتي تاني تكوني كيفهم عيشي حياتك صاحبي الناس الإيجابيين اللي يشجعوك على الرياضة الحياة الخ و الناس اللي تقدرك و تعرف قيمتك و تشاركك الفرح كثر من الحزن و المشاكل
    هادو كانو 5 نصائح باش تكوني سعيدة في حياتك و هانية عيشي حياتك ديري واش تحبي بما يرضي الله خرجي ⁦❤️⁩
    #blogueusealgerienne #algerienne🇩🇿 #bloggerdz #blogger #dzblogger #femmesdz #femmedz #algerien #3roussa #3roussadz #algeria
    #عروسة #جزائريات #نصائح #عروسة_جزائرية #شدة_تلمسان_زين_وهمة_الجمال_الجزائري_الجزائر_القارة_تاريخ_وحضارة #شدة_تلمسانية

  •  24  2  3 days ago
  • BEAUTY BLOGGER DZ 💄 ( @coco_beauty_hm_ ) Instagram Photo
  • @coco_beauty_hm_ Bonjour les filles ❤️ j'espère tkono bien 😚
    اليوم راح نهدرلكم على أنواع الشعر للبنات اللي مزال متعرفش نوع شعرها
    ما الفائدة من معرفة نوع شعرك؟
    لازم تعرفي نوع شعرك باش تقدري تخيري منتجات الشعر اللي تناسبك
    المهم راح نبداو:
    🎈النوع الاول : الشعر المستقيم أو ليس كيما نقولو حنا هاد النوع يجي ليس من عند ربي سبحانه ههههه يعني بلا سيشوار ليس و في نوعان
    ليس بزاف 😍 و ليس مع تموجات خفيييييفة هاد النوع ميسحقش سيشوار لانو ليس بطبيعتو و الثاني غير تفوتي عليه بالسيشوار 5 دقائق و راكي كملتي و يجي خفيف و رطب ⁦❤️⁩ لكن هذا لا يعني متتهلايش فيه لازم تشريلو منتجات على حسابو برك العناية بيه تجي سهلة بزاف هههه
    🎈النوع الثاني: هو الشعر المموج أو كيما حنا نقولو ondulé و يجي مموج يا اما كثيف يا اما خفيف و يجي فيه نوعان
    شعر مموج غير من التحت كيما راكم تشوفو في الصورة الثالثة و النوع الثاني مموج كامل من الفوق للتحت 😍 أنا شخصيا يعجبني الشعر المموج و شعري اصلا مموج و هاد النوع من الشعر 50 بالمئة منه نيحبش يولي ليس لازم يقعد في الاطراف كاش تموج خفيف ههههه 😍
    🎈النوع الثالث : هو الشعر المجعد أو الشعر بوكلي و فيه نوعان البوكلي عادي او البوكلي بزااااف و يجي كثيف بزاف 😍 أنا يخلعوني اللي يديروله ليساج ولا كيراتين يا ختي شعرك بلا والو شباب مبوكلي وحده خليه كيما راه شباب علاش تخسري فيه غير اعتني بيه و خلاص معليش خطرة على خطرة تبدلي و ديريه ليس بصح ماشي دايما
    في الأخير حبيت نقوللكم مهما كانت نوعية شعرك حبيبتي كوان ديري التسريحة اللي على حساب نوع شعرك راح يولي يعجبك مكانش شعر ماشي شباب ولا نوع خير من نوع كاين غير شعر متهليين فيه و شعر لالا فقط متتعقديش من شعرك اعتني بشعرك على حساب نوعه كامل الأنواع شابين و بركاو متخسرو في شعركم غير باش يولي ليس والله نعرف بنات شعرهم ليس و حلمهم يولي مموج ولا بوكلي يضلو يشرو في منتجات باش يبوكلو شعرهم
    Have a nice day ❤️❤️
    🎀🎀🎀🎀🎀🎀🎀🎀🎀🎀🎀🎀🎀🎀🎀
    #algerienne #blogueusemode
    #blooggerdz #dzblogger #blogueusealgerienne #3roussa #algerien #cheveux #algerienne🇩🇿 #styledz #echourouktv #news
    #عناية #عناية_بالشعر

  •  23  8  1 day ago